Qarax Ismiidaamin ah oo ka dhacay bannaanka hore ee xarunta taraafikada

Wararka naga soo gaaraya magaalada Muqdisho ayaa sheegaya in ugu yaraan saddex qof ay ku dhimatay  saaka qarax Ismiidaamin ah oo ka dhacay  bannaanka hore ee xarunta taraafikada, oo ku taalla degmada Shangaani ee gobalka Banaadir.

Qaraxa ayaa waxaa uu ahaa sida ay sheegeen dad goobjoog ah gaari laga soo buuxiyey walxo qarxo uu ku hor-qarxay afaafka hore ee xarunta  taraafikada waxaana qaraxa uu dhaliyey khasaaro leh dhimasho iyo dhaawac.

Wararka ugu danbeeyey ee naga soo gaaraya magaalada Muqdisho ayaa sheegaya in dadka ku dhintay ay u badan yihiin dad rayid ah waxaana sidoo kale ku jira askar ka tirsan ciidamada ilaalada waddooyinka .

Afhayeenka maamulka gobolka Banaadir, Cabdifataax Cumar Xalane ayaa sheegay in ciidamada amniga ay toogteen ruux hubeysan oo doonayey in uu xoog ku galo xarunta ciidamada ilaalada waddooyinka taraafikada

Wixii warar ah ee ka soo kordha dib ayaan idin kala soo socodsiin doonaa Inshalaah.

A/Cawale
Halgan.net