Raisul wasaaraha DFS iyo Madaxweynaha Puntland oo wajahan magaalada Qardho

Qardho:-Madaxweynaha Puntland Dr Cabdiwali Maxamed Cali Gaas iyo Raisulwasaaraha DFS Cumar Cabdirashiid Cali Sharmaarke ayaa waxaa ay ku soo wajahan yihiin magaalada Qardho ee xarunta gobalka Karkaar .

Magaalada Qardho ee xarunta gobalka Karkaar ayaa waxaa ku qulqulaya Salaadiinta iyo Isimada Soomaaliyeed ka dib markii uu Boqor Burhaan Boqor Muuse uu casumaad u fidiyey dhamaan isimada Soomaaliyeed.

Madaxweynaha Puntland Dr Cabdiwali Maxamed Cali Gaas ayaa la filayaa in uu maanta ah soo gaaro magaalada Garoowe ee xarunta dowlada Puntland waxaana uu uga sii gudbi doonaa magaalada Qardho ee xarunta gobalka Karkaar si uu u furo shirka Odayaasha dhaqan Soomaaliyeed uga furmaya magaalada Qardho,

Dhanka kale Raisulwasaaraha DFS ayaa la filayaa in uu soo gaaro magaalada Boosaaso ee xarunta gobalka Bari wuxuuna u sii gudbi doonaa magaalada Qardho ee xarunta gobalka Karkaar.

Magaalada Qardho ayaa haatan waxaa soo gaaray isimo iyo salaadiin kor u dhaafaya ilaa 30 kuwaas oo ka kala yimid gobalada Koonfurta iyo Bartamaha Soomaaliya.

M_M Deeq
Halgan.net