Saldhiga ciidamada AMISOM ee Xalane oo xalay la duqeeyey iyo AMISOM oo ka hadashay .

Wararka naga soo gaaraya magaalada Muqdisho saaka ayaa sheegaya in hoobiyaal lagu garaacay xalay xarunta ciidanka ee Xalane waxayna duqeyntu bilaabatay xalay saq dhexe.

Tiro hoobiyaal ah ayaa ku soo hoobtay  Xarunta ugu weyn Ciidamada AMISOM ee Soomaaliya jooga ee xalane waxaana jugta laga maqlayey agagaarka Garoonka Diyaaradaha ee Aden Cadde.

Afhayeenka ciidanka AMISOM Jen Joseph Kibet ayaa xaqiijiyey in xalay lagu weeraray xarunta xalane tiro hoobiyaal ah wuxuuuna sheegay in 3 hoobiyaal ay ku soo dhaceen agagaarka xerada xalane aysan geysan wax khasaaro ah.

Ilaa haatan ma jirto cid sheegatay weerarka xalay lagu qaaday Xarunta ugu weyn Ciidamada AMISOM ee Soomaaliya jooga ee xalane .

Cabdi Yare
Halgan.net