.gif)
Wafdi Issimo ah oo uu hogaaminayo Boqor Burhaan Boqor Muuse oo gaardhay Laascaanood.[Masawiro]
July 10, 2016 - Written by Editor
Laascaanood:-Wafdi Cuqaal iyo Issimo ah oo uu hogaaminayo Boqor Burhaan Boqor Muse ayaa galabta soo gaadhay magaalada Laascaanood ee xarunta Gobolka Sool isagoo Boqorku maalinta beri ah uu ka qayb geli doono hadii Alle idmo aaska Garaad Abshir Saalax oo lagu aasi doona magaalada Ballicad oo Buuhoodle kaga beegan ilaa 52 KM dhanka bariga.
Boqor Burhaan Boqor Muuse ayaa oo lagu marti qaaday qasriga Garaad Jaamac Garaad Ismaaciiil inkasto uu wadanka UK uu ku joogo safar , Iyadoo halkaasi loogu sameeyey Casho sharaf ,Boqorka iyo Issimadii kale ee ku weheliyey socdaalka oo gaaraya ilaa 35 Qof.
Boqor Burhaan Boqor Muuse iyo Issimada ku weheliya socdaalka ayaa maalinta beri ah waxaa ay safar ku tegi doonaan magaalada Buuhoodle ee xarunta Gobolka Cayn isagoo halkaas uga sii gudbi doona deegaanka Ballicad oo lagu aasi doono Allah u naxariistee Garaad Abshir Saalax.
Sidoo kale Waxaa soo gaadhay gelin kii danbe magaalada Ballicad wafdi Issimo ah oo uu hogaaminayo Islaan Ciise Islaam Maxamed kuwaas oo ka yimid gobolka Nugaal iyo Mudug.
no images were found
Dhinac kale Madax dhaqameed oo uu hogaaminayo Garaad Wiil Waal garaad Dool oo ka soo kiciitamay gobollada Kilika Shanaad ayaaa Iyana ka soo qayb geli doona aaskani ,waxaa Sidoo kale la sugayaa Madax dhaqameedyo kale oo ka kala imaan doono Magaalooyinka Boorame , Hagerisa Ber bera iyo Burco.
