Wafdi ka socda DFS oo Gaaray magaalada B/weyne ee xarunta gobalka Hiiraan

Hiiraan:-Wafdi uu hoggaaminayo guddoomiye ku-xigeenka labaad ee baarlammaanka DFS Mahad Cabdalla Cawad ayaa maanta gaaray magaalada Baladweyne ee xarunta gobolka Hiiraan.

Guddoomiye ku-xigeenka labaad ee baarlammaanka DFS ayaa waxaa socdaalkiisa ku weheliyey xildhibaanno iyo wasiirro ka tirsan DFS kuwaas oo ka qayb galaya xaflad lagu caleemasaarayo Ugaas Xasan Ugaas Khaliif Ugaas Rooble oo barri lagu caleemo saari doono magaalada B/weyne.

Wafdi uu hoggaaminayo guddoomiye ku-xigeenka labaad ee baarlammaanka DFS Mahad Cabdalla Cawad ayaa waxaa Baladweyne ku soo dhaweeyay mas’uuliyiinta gobolka Hiiraan, kuwa degmada Baladweyne iyo qaar ka mid ah odayaasha dhaqanka ee gobalka Hiiraan.

Magaalada Baladweyne ee xarunta gobalka Hiiraan waxaa ilaa shalay soo gaarayeyy ergooyin ka socda Salaadiin iyo Ismada Soomaaliyeed kuwaas oo ka imaanayey dalka gudahiisa iyo dibadiisa si ay uga qeyb galaan caleemasaarka Ugaas Xasan Ugaas Khaliif.

Ugaas Xasan Ugaas Khaliif ayaa si KMG ah u sii hayey Ugaaska Beeesha Xawaadle ilaa intii ka dambeysay geeridii Allaha u naxariistee Ugaas Cabdiraxmaan Ugaas Khaliif Ugaas Rooble alaha janadtul fardowsa geeyo Aaamiin.

A/Cawale
Halgan.net