Xaflad loo qabtay Arday Baratay Kutubta Shareecada Islamka ka mid ah oo ka dhacday Garoowe.[Masawiro]

Garoowe:-Xafladaan oo ahayd mid balaaray laguna sharfayay arday ka faa iidaysatay Xalaqaadka Cilmiga shareecada oo ka socda masjidka Alraxma ee garowe oo uu Sheikh ka ahaa Sh Cabdirisaaq Xaaji Maxamed Muuse ayaa waxaa ka soo qayb galay Culima Aw diin /Madaxda sare ee Alminhaaj Nugaal iyo marti sharaf kale oo badan.

Xafladaan waxaa ka hadlay Sh Dalmar Gureye waxaana uu bogaadiyay Sheekha iyo ardaydii ka faa iidaysatay Cilmigaan sidoo kale waxaa isna kahadlay Sh Axmed Cabdi samad oo isna bogaadin ka dibna ardaydaan kula dardaarmay in ay faafiyaan dadkana gaarsiiyaan cilmigii ay barteen .
G/kuxigenka Mu’asasada Alminhaaj Maxamed Cali Axmed ayaa dhankiisa balan qaaday in Alminhaaj ay sii wadi doonto  garab istaaga wax walba oo lagu horumarinayo Bulshada Diinteeda Iyo sidii ay ku hagaagi lahayd Akhiro iyo aduunba.

Ugudanbayntii waxaa Xafladda laga qaybiyay Abaalmarimo badan oo la siiyay Sheekha Iyo Ardaydii kaalimaha hore ka galay Barashada Cilmiga

Nuur Jaamac Adan
Halgan.net, Garowe