Kooxda Al-Shabaab oo galabta Qaraxyo kale ku laayey shacabka magaalada Muqdisho

Wararka ka imaanaya magaalada Muqdisho ayaa sheegaya in galabta laba qarax oo is xiga ay ka kala dhaceen Hotelka Naasa-hablood 2 ee Degmada Xamar-weyne iyo weliba agagaarka Taalada Daljirka-Dahsoon.

Weerarka Hotelka Naasa-hablood 2 ee Degmada Xamar-weyne ayaa waxaa loo isticmaalay gaari laga soo buuxiyey walxa qarxa waxaana ilaa haatan inta la xaqiijiyey ku dhintay in ka badan 10 qof oo rayid ah waxaana jira dhaawacyo intaas ka badan .Wararka qaar ayaa sheegaya in Koox Hubeysan ay Gudaha u galeen Hotelka Naasa-hablood rasaasna ay socoto gudaha Hotelka

Qaraxa labaad ayaa waxaa isna uu ka dhacay agagaarka Taalada Daljirka-Dahsoon ilaa haatan lama oga Khasaaraha uu geystay qaraxa labaad. Xili shacabka Soomaaliyeed ay ku jireen gurmadka dadkii ay Eheladooda ku xasuuqeen kooxda Al-Shabaab  Isgoyska Soobe ayey maanta ka geysteen qaraxyo kale oo ay ku dhibaateynayaan shacabka Soomaaliyeed ee Muslinka ah.

A/Cawale
Halgan.net