Madaxweynaha Gal-Mudug oo gaaray Muqdisho[Masawiro]

Muqdisho:-Madaxweynaha D.G Galmudug Axmed Ducaalle Gelle Xaaf iyo Wafdi uu hogaaminayo ayaa manta gaaray Magaalada Muqdisho ee Caasimada Soomaaliya

Madaxweynaha ayaa waxaa garoonka diyaaradaha ee Aadan Cade International Airport kusoo dhaweeyay Masuuliyiin katirsan Dowlada Soomaaliya.

Madaxweynaha oo warbaahinta kula hadlay Qeybta nasiinada ee Garoonka Diyaaradaha ayaa sheegay in uu Xamar u yimid in uu Dowlada kala shaqeeyo in la sameeyo dib u hishiisiin iyo in la gaaro isfahan mira dhala.

Waxaa uu Madaxweynuhu sheegay in dalkan uu u baahanyahay dib u hishiisiin si xaalada Amni ee dalku u dago waxa uuna ugu baaqay Madaxda Dowlada ugu sareysa in la qabto dib u hishiisiin isaguna uu kala shaqeyn doono

Intaas kadib ayuu Madaxweynuhu maamulka Gal-Mudug waxaa uu u gudbay Xarunta Madaxtooyada Soomaaliya halkaas uu kulan kula qaatay Madaxweynaha Soomaaliya Maxamed Cabdullahi Farmaajo iyaga oo  ka wada hadlay sidii looga mira dhalin lahaa wada hadaladii iyo hishiiskii ay 28 bishan ku dhaxmaray Magaalada Cadaado D.G Galmudug iyo Dowlada Federaalka ah.

no images were found

A/cawaale
Halgan.net