Wasaaradda Arrimaha Gudaha Puntland, oo kulan la qaatay Guddiga KMG ah ee Doorashooyinka Puntland.

Wasiirka Wasaaradda Arrimaha Gudaha Federalka iyo Dimuqraadiyeynta Puntland Maxamed Dhabancad, oo uu Wehlinayo wasiir ku xigeenka Wasaaradda Arrimaha Gudaha DPL Cabdiweli Mire, ayaa saaka xarunta dhexe ee Guddiga Kulan kula qaatay Guddiga KMG ah ee Doorashooyinka Puntland.

Guddigu iyo Wasaaraddu waxay guud ahaan iska waraysteen arrimaha dimuqraadiyadda Puntland, waxaa kulanka xoogga lagu saaray arrimaha xuduudaha degmooyinka, wacyigelinta dadweynaha iyo dhamaystirka xeerarka muhiimka u ah doorashooyinka waxayna Gudiga masuuliyiinta wasaaradda uga warbaxiyeynsafarkoodii goblada ay ku soo mareen.

Kulankaa ay wada qaateen masuuliyiinta wasaaradda Arrimaha Gudaha DPL iyo KMG ee Doorashooyinka Puntland waxaa ku wehlinayey agaasimaha Waaxda Dimuqraadiyeynta Wasaaradda Hodan Saciid iyo lataliyaal kasocday Wasaaradda Arrimaha Gudaha Federalka iyo Dimuqraadiyeynta Puntland.

no images were found

DHAMMAAD

XAFIISKA WARFAAFINTA IYO XIRIIRKA DADWEYNAHA WASAARADDA ARRIMAHA GUDAHA FEDERALKA IYO DIMUQRAADIYEYNTA