Madaxweyne ku xigeenka Puntland oo gaaray gobalka Sool.

Laascaanood:-Madaxweyne Ku-xigeenka, Ahna Ku-simaha Madaxweynaha Dowladda Puntland Axmed Cilmi Cismaan Karaash iyo wefti balaadhan oo uu hogaaminayo ayaa safar shaqo ku tagay gobolka Sool, gaar ahaan jiidda hore ee Guumeys oo ay isku horfadhiyaan ciidamada Somaliland iyo kuwa SSC.

Madaxweyne ku xigeenka Puntland Axmed Karaaash ayaa waxaa uu kula kulmay Guumeys Madaxweynaha SSC Khaatumo iyo Saraakiisha sare ee ciidamada SSC, wuxuuna ku bogaadiyey difaaca adag oo ay dhulkooda iyo dadkooda ku difaaceen,wuxuuna sheegay in Puntland ay taageereyso kulana shaqeynayso go,aan walba ay qaataan reer SSC.

Madaxweyne ku xigeenka Puntland ayaa Somaliland uga digay dulaan kale oo ay ku soo qaado deegaanada SSC oo haatan xoog looga saray ciidamada Somaliland .

A/Cawale
Halgan.net