Wasiirka Wasaaradda Arrimaha Gudaha oo booqday Xafiiska Shirkada dhismaha ee Taawer

Gaalkacyo:_ Wasiirka Wasaaradda Arrimaha Gudaha, Federaalka iyo Dimuqraadiyeynta Dowladda Puntland Mudane Cabdi Faarax Siciid Juxa ayaa booqday Xafiiska Shirkada dhismaha ee Taawer oo dhismayaal Guryo Deegaan iyo ganacsi ah ka dhisaysa Magaalada Gaalkacyo.

sidoo kale, Wasiirka ayaa booqday goobta laga hirgalinayo Xaafada Wacan Village oo dhismayaal casri ah ka socdaan, Wasiirka waxaa booqashadaan ku weheliyey Duqa Degmada Gaalkacayo Mudane Xassan Maxamed Jaamac (Jidka), Masuuliyiinta iyo Engineerada Shirkada Taawer.

Wasiir Cabdi Faarax ayaa bogaadiyey Maamulka Shirkada oo uu ugu horeeyo Eng Abduqadir Yusuf iyo Madaxa Suuq gaynta Shirkada Abdalla Jamaal ka qayb qaadashada Horumarka Magaalada taas oo qayb wayn ka qaadanaysa in Bulshadu dib ugu soo laabato Dalka.

Dhammaad
Xafiiska Warfaafinta iyo Xiriirka Dadweynaha Wasaaradda Arrimaha Gudaha DPL.