.gif)
Madaxweynaha Puntland oo kulan la qaatay Masuuliinta Caleema Saarka Madaxda Puntland.
February 1, 2024 - Written by EditorGaroowe:-Madaxweynaha Dowladda Puntland Mudane Siciid Cabdullaahi Deni, ayaa maanta kulan Qado oo mahadcelin ah la qaatay Masuuliyiintii iyo dhammaan howlwadeenadii ka shaqeeynayey Munaasabadii Caleemasaarka Madaxweynaha iyo Madaxweyne Ku-xigeenka Puntland ee dhacday 25 January 2024.
Munaasabadda waxaa ka qeybgalay Madaxweyne Ku-xigeenka Dowladda Puntland Mudane Ilyaas Cismaan Lugatoor, Duqa Caasimadda Garoowe Cabdiqaadir Geedi, Siyaasi Maxamuud Khaliif Jebiye, Guddigii heer Wasiir, Masuuliyiinta iyo howlwadeenadii ka shaqeeyay Munaasabadda caleemasaarka.
Madaxweynaha ayaa boggaadiyay dadaalka iyo kartida Dadkii shaqeeyay, isagoo sheegay inay soo bandhigeen sida Puntland Dowlad iyo shacaba ugu diyaarsantahay Inay martigeliso kulamo waaweyn oo ay ka qeybgeli karaan kumanaan qof haya mansabyo kala duwan dal iyo dibed.
-DHAMMAAD-
XAFIISKA WARFAAFINTA MADAXTOOYADA DOWLADDA PUNTLAND.
