Afhayeenka Nabadoonada Gobolka Bari Nabadoo Xarago ”Waa wax laga xumaado dhibka ka dhacay Boosaaso.[Dhagayso]

Boosaaso:-Ugu yaraan hal qof ayaa lagu soo warramayaa inuu ku geeriyooday dhowr kalena ay ku dhaawacmeen bananbaxyo rabshado wata oo maanta ka dhacay magaalada Boosaaso ee xarunta gobolka Bari. Qofka dhintay ayaa ah askari tirsanaa Ciidanka Booliska ka dib markii sidda la sheegayo ay xabad ay soo rideen dibadbaxayaashu haleeshay taas oo sababtay in ciidanku ay rasaas xooggan ku jawaabaan iyagoona ku guulay stay in ay kala eryaan dhalinyarada banaanbax dhigaysay.

Ciidanka Booliska ee Gobolka Bari ayaa waxaa kale oo ka dhaawacmay ilaa 4 askari oo ka mid ahaa askarta ka hortagaysay banaanbaxa ay soo abaabuleen masuuliyiin horay xilal uga soo qabtay Gobolka Bari. Issimada iyo Nabadoonada Gobolka Bari ayaa iska fogeeyey banaanbaxa saaka ka dhacay Boosaaso iyagoo ugu baaqay bulshada ku nool magaalada Boosaaso in ay ka shaqeeyaan in ay ka hortagaan wax kasata oo abuuri kara amaandaro cid walba oo wax tabanaysaay laga qanciyo tabashadeeda.

Dhinac kale Afhayeenka Nabadoonada Gobolka Bari Nabadoon Xarago oo waraysi siiyey Idaacadda Radio Daljir ayaa sheegay in maanta wixii ka dhacay Boosaaso aan loo baahnayn ayna muhiim tahay in la ilaaliyo nabad magaalada Boosaaso cid alle cidii wax tirsanaysan loo baahn yahay in la qanciyo

Hoos ka Dhagayso waraysiga uu Radio daljir siiyey Afhayeenka Nabadoonada Gobolka Bari Nabadoo Xarago

Halkaan ka Dhagayso Mp3

M_M_Deeq
Halgan.net