Kulan weynihii Teeramka ee Golaha Al-furqaan oo ka dhacay Laascaanood.[Masawiro]

Laascaanood:-Kulan Weyne Teeram leh oo sanad walba loo qabto Golaha Al-furqaan ee Ardayda ka baxday Machadka Al-furqan Lascaanod ayaa habeenimadii xalay lagu qabtay xarunta Machadka Al-furqan ee magaalada Laascaanood. Kulanka oo u jeedadiisu ahayd in lagu soo bandhigo waxqabadkii Golaha Al-furqan ee muddada Teeramka ah waxaa ka soo qayb galay xubno badan oo ka tirsanaa saddexda Gole ee uu ka kooban yahay, qaar ka mid ah culimada waaweyn ee magaalada,iyo Maamulka Mu’asasada Alkaram ee Gobolka Sool.

Kulan ayaa waxaa lagu soo bandhigay warbixin ku saabsanayd waxbadka Golaha ee dhinacyada dacwada, waxbarashada, arrimaha bulshada warbaahinta iyo isku xidhka Xubnaha Golaha. Culimadii iyo masuuliyiintii ka soo qayb galay kulanka ayaa dhammaantood ku booriyey Xubanaha Golaha inay xoojiyaan midnimada, kana fogaadaan khilaafka iyo kala taga,isla markaana dareemsanaadaan xilka ka saaran dadkooda iyo dalkooda oo duulaan xoogani ku socdo.

Kulanka oo Guud ahaan ahaa mid si habsami leh u dhacay ayaa waxa lagu soo gabagabeeyey tixo gabayo ah oo ay soo jeediyeen xubno ka mid ah golaha, iyo waliba tartan su’aalo ah iyo Abaal marino.

no images were found

Ahmed said
Lascanod,Halgan.net