Masaajidda ku yaal magaalada Toronto oo Dallad Midaysa Samaysanaya.[Masawiro]

Toronto:-Waxaa 17-18/5/2016 xalay iyo habeyn hore ka dhacay Masjidka Abu Hurayra iyo Khalid Ibn Waliid oo ku yaala Magaalada Toronto. Kulamo iyo Muxaadaraad aad u qiimo badan waxaa daadihinayay Culimo badan oo uu hogaaminayay Sh.Mohamed Omar Dirir, Waxaa kale oo ka mid ahaa Culimadaas iyo ducaadda:-

1. Sh Dr Said Mohamed Farah.

2.Sh Abdullahi Jaamac.

3. Sh Abdinur Weerar.

4.Sh Ahmed Xayrdaac iyo Ducaad kale.

Sidoo kale Waxaa kulamadaas si wada jir ah uga soo qayb galay ilaa 7 Masaajid oo ka mid ah masaajida ugu waaweyn ee Jaaliyada Soomaaliyeed ku leedahay Magaalada Toronto oo kala ah:-

1- Khalid ibnu walid

2- Abuu Hurayra Center

3- Ibnu Abbaas

4- Daarul Hijra

5- Sakiina Center

6- Rawdah

7- Al Hikmah

Waxaa lagu heshiiyay laguna ballamay in si wada jir ah oo is kaashi leh looga wada shaqeeyo wixii diinta iyo dadka dan u ah. Warkaasi wuxuu ahaa war aad ay ugu farxeen jaaliyada Somaliyeed ee Toronto oo aad uga caban jiray isku xirnaan la,aanta Masaajida Toronto, Waxaa la isla meel dhigay in Dacwada loo daneeyo oo kala daadsanaanta laga tago, qorshaha la hiigsanayana uu noqdo in DALLAD GUUD loo sameeyo dhammaan Masaajida Jaaliyada.

Waxaa lagu midoobay Guddi ka shaqeeya arrimahaas waxaa Gudoomiye looga dhigay Sh Abu bakar Sh Hussein Maamulaha Masaajidka Khalid, Ku xigeen Bashir Mohamed, Maamulaha Masaajidka Ibnu Abbaas.

Waxaa gudigaas Secretary iyo xiriiriye guud looga dhigay Ustaad Abdul Warsame. Waxaa arintaas xalay looga dhawaaqay Xaflad si wayn loogu soo agaasimay oo ka dhacday Masaajidka Khalid Ibnu Waliid.

Waxaan ALLAAH SWT waydiisanaynaa inuu Tillaabadaas barakeeyo,kana yeelo mid taaba gasha, Intii ka soo shaqaysay iyo intii Aqbashayna ALLAAH SWT miizaanka Xasanaatka u saaro.

no images were found

Aamiin….Aamiin…….Aamiin..