Shirweynihii 14aad ee Golaha Shuurada Albayaan oo ka dhacay magaalada Johannesburg (Masawiro)

Johannesburg:-Waxaa shalay oo taariikhdu ahayd 21/08/2016, lagu soo gaba gabeeyay magaalada Johannesburg ee dalka Koonfur Afrika Shirweynihii 14aad ee Golaha Shuurada Albayaan, kaasoo soconayay muddo laba maalmood ah.

Shirkan oo sanad walba la qabto waxaa lagu lafa guraa habsami u socodka hawlaha balaadhan ee goluhu u hayo ummadda muslimka guud ahaan, gaar ahaanna ummadda Soomaaliyeed, halkaasoo lagu qiimeeyo shaqooyinkii la soo qabtay laysuna xilsaaro kuwo cusub.

Waxaa Ka soo qayb galay xubnaha Golaha shuurada iyo Marti Sharaf kalaba, kuwaasoo ka kala yimid gobolada dalka intiisa badan.

Sannadkan 2016 waxaa aad looga dooday, warbixin kala duwanna laga soo bandhigay gaadhsiinta dacwada dadka aan muslimka ahayn oo run ahaantii ahayd mawduuc aad looga dooday ka dibna meel la isla dhigay sidii loo horumarin lahaa Inshaa Allaah.

Shirka waxaa kaloo qiiimayn lagu sameeyay hawlihii dacwada guud ahaan ee Ka socday waddanka iyo Tacliinta, ka dibna waxaa lagu dejiyay qorshaha sannadka cusub ee 2016/2017.

Ugu danbayn, waxaa lagu doortay oo la ansixiyay shirka sandakan Guddi Fulinta loo xilsaaray oo isagu mas’uul ka noqonaya habsami u socodka, isku xidhka shaqada hay’adda ee waddanka sanooyinkan soo socda haddii Alle idmo.

Golaha Tanfiidka waxaa mas’uul ka ah Sh Maxamuud Maxamed Adar, waxaana Tacliinta loo doortay Sh Cali Ibraahim Cali, iyo Xafiiska Dacwada oo loo doortay Sh Shariif Afeey Abuukar, waana loo duceeyay in Illaaheey u fududeeyo Camalkan ballaadhan ee hor yaalla.

no images were found

Goloha Sare ee Trustiga ayaa sidiisii ahaan doona, waxaana shaqadiisu noqonaysaa Ilaalinta manhajka, Hantida hay’adda iyo la xisaabtanka guddiga fulinta.

Xafiiska Warfaafinta ee Albayaan
Johannesburg, Koonfur Afrika