Madaxweynaha Koonfur Galbeed oo gaaray magaalada Kismaayo (Masawiro)

Wafdi uu hogaaminayo Madaxweynaha Koonfur Galbeed Shariif Xasan Sheekh Aadan ayaa gaaray magaalada Kismaayo ee xarunta gobalka J/hoose waxaana halkaas si weyn ugu soo dhaweeyey Madaxweynaha jubaLand Axmed Maxamed Islaam (Axmed Madoobe).

Madaxweynaha Jubaland ayaa sheegay in uu ku faraxsan yahay imaatinka Madaxweynaha K/Galbeed iyo wafdiga uu hogaaminayo kaas oo ka qeyb gali doon shir Maamul gobaleedyada uga furmi doona magaalada Kismaayo.

Madaxweynaha JubaLand Axmed Maxamed Islaam (Axmed Madoobe) ayaa rajo weyn ka muujiyey in uu miro dhalo shirka lagu qaban doono magaalada Kismaayo kaas oo uu sheegay in uu Muhiim u yahay Soomaalida.

Madaxweynaha Koonfur Galbeed Shariif Xasan Sheekh Aadan ayaa u mahad celiyey Madaxweynaha J/land wuxuuna dhankiisa sheegay in J/land ay hurmuud ka tahay nabada Soomaaliya iyo wadajirkeeda.

no images were found

Shariif Xasan Sheekh Aadan ayaa dhanka kale sheegay in loo baahan yahay in wixii khilaafa ah lagu dhameeyo wadahadal sidii cadwoga Soomaaliya ee dalka ragaadiyey looga hor tagi lahaa .

A/Cawale
Halgan.net