Diyaarado Duqeyn ka geystay degmada Gumbax ee gobolka Bari

Boosaaso:-Diyaarado dagaal oo aan la garanaynin cid leh ayaa xalay duqeymo culus ka geystay degmada Gumbax ee gobolka Bari waxaana ka dhashay duqeyntaas khasaaro kala duwan.

Halgan.net ayaa xiriiro kala duwan la sameysay deegaano ka tirsan gobalka Bari ayaa loo xaqiijiyey in diyaarado dagaal ay xalay si culus u duqeeyeen doomo ay leeyihiin kaluumeystayaal waxaana dhaawacmay laba ka mid ah kaluumeystayaasha .

Guure Cali Daad oo ah Xogheyaha dowladda Hoose ee Gumbax oo warbaahinta saaka la hadlay ayaa sheegay in diyaaradaha ay khasaaro  culus u geysteen agab ay lahaayeen kaluumeystayaasha nasiib wanaagse ay dhaawacmeen laba ruux maadaama ay ahay xili habeen ah.

Duqeyntaan ayaa walaac xoogan ku abuurtay dadka degan degmada Gumbax  oo u badan dad ka shaqeysta bada soona jilaabta  kheyraadka alle siiyey oo kala nooc ah sida malaayga iyo aargoostada.

M_M Deeq
Halgan.net