Madaxweyne Axmed Ducaale Geelle Xaaf oo sheegay in uu tanaasulay

Dhuusamareeb:-Madaxweynihii hore ee Galmudug Axmed Ducaale Geelle Xaaf ayaa maanta waxaa uu soo gaaray degmada Dhuusomareeb ee xarunta Maamulka Galmudug waxaana halkaas ku soo dhaweeyey Madaxweynaha cusub ee Galmudug Qoorqoor wuxuuna sheegay inuu u tanaasulay danta dadka Galmudug.

Madaxweynihii hore ee Galmudug ayaa sheegay in uu muddo ku sugnaa magaalada Gaalkacyo wuxuuna sheegay in uu ka shaqeyn doono horumarka Galmudug iyo dib u dhiska kaabayaasha dhaqaalaha ee Gal-Mudug.

Madaxweynihii hore ee Galmudug Axmed Ducaale Geelle Xaaf ayaa waxaa garab taagnaa xildhibaano ka tirsan labada gole ee DFS .

Madaxweynaha cusub ee Galmudug ee aan wili xilka la wareegin Axmed Cabdi Kaariye ayaa sheegay in Galmudug is raacaday wixii khilaafana la dhameeyey .

M_M Deeq
Halgan.net