Ciidamada Amaanka ee magaalada Gaalkacyo oo xalay howlgalo sameeyey

Gaalkacyo:-Waxaa xalay ciidanka amaanka ee magaalada Gaalkacyo ee xarunta gobalka Mudug ay sameeyeen howlgalo lagu sugayo amaanka  waxaana howlgaladan lagu soo qabqabtay 200 qof kuwaas oo looga shakisan yahay in ay wax u dhimayaan amaank magaalada Gaalkacyo.

Taliyaha booliska Puntland ee gobolka Mudug Jaamac Maxamed Sandaqad ayaa saxaafada u sheegay in ay ciidanka amaanka howlgalo ka wadaana qaar ka mid ah xaafadaha magaalada Gaalkacyo wuxuuna sheegay in baaritaan ka dib la sii daayey dadkii ay xalay qabteen ciidanka Amaanka halka qaarkale la baarayo.

Ciidamada ammaanka ee magaalada Gaalkacyo ayaa in mudo ah waxay la daalaadhacayeen in ay sugaan amaanka magaalada Gaalkacyo kana hortagaan kooxaha dilalka qorsheyn ka geysta Puntland kuwaas oo leh  ujeedooyin kala duwan  waxaana magaalada Gaalkacyo lagu dilay dad indho u ahaa magaalada  waxaana ugu danbeeyey alaha u naxariisteen Nabadoon Aadan Faarax Dheere .

M_M Deeq
Halgan.net