Ra’iisul Wasaaraha JFS iyo Wafdi uu hoggaaminayo la filayo in uu gaaro Kismaayo

Ra’iisul Wasaaraha JFS Cabdi Faarax Shirdoon  iyo Wafdi uu hoggaaminayo ayaa la filayaa in uu dhawaan u Ambabaxo magaalada  Kismaayo ee xarunta gobalka J/hoose waxaana socdaalkiisa ku weheliya masuuliin ka tirsan DFS.

Ra’iisul Wasaaraha JFS iyo Wafdi uu hoggaaminayo ayaa waxaa ay kulamo kala duwan la qaadan doonaan waxgaradka ,Salaadiinta iyo Maamulka KMG ah ee magaalada Kismaayo oo uu madaxda u yahay Sheekh Ahmed Madoobe .

Amaanka magaalada Kismaayo ayaa saaka aad loo adkeeyey waxaana wadooyinka waaweyn ee magaalada Kismaayo raxan raxan u socda ciidamada DFS iyo kuwa Raaskambooni oo taageero ka helaya ciidamada dalka Kenya  oo qeybta ka ah ciidamada Midowga Afrika ee AMISOM.

Wariyaha Halgan.net ee magaalada Kismaayo ayaa ku soo waramaya in maanta magaalada Kismaayo ay tahay Bandow lana xiray dhamaan khadadkii isgaadhsiinta ee magaalada Kismaayo.

Ra’iisul Wasaaraha JFS iyo Wafdi uu hoggaaminayo ayaa la filyaa in ay soo gaaraan magaalada Kismaayo saacadaha soo socda sida ay saraakiisha Maamulka magaalada Kismaayo u sheegeen warbaahinta ka howlgasha gudaha magaalada Kismaayo.

Cabdi Yare
Kismaayo