Wararkii ugu danbeeyey ee Sh Xassan Daahir Aweys

Muqdisho:-Wararka maga soo gaaray magaalada Muqdisho ayaa sheegay in Sh Xassan Daahir Aweys uu weli ku xiran yahay  xarunta nabadsugida ee dowllada Federaalka ee Soomaaliya, ilo wareed ku dhow Sh Xassan Daahir oo aan la xiriirnay ayaa noo sheegay in Sh Xassan weli lagu hayo xarunta nabadsugida oo ah meeshii la geeyey markii laga soo ka xeeyey garoonka Aadan Cadde ee magaalada Muqdisho.

Warar soo baxay oo ay qoreen saxaafada qaarkood ayaa sheegayey in Sh Xassan Daahir Aweys la geeyey Xerad Xalane oo ay saraakiil cadaan ah ay su’aalo ku wiidiinayaan balse  xiriiro kale duwan oo aan samaynay  ayaa  na loo sheegay in Sh Xassan Daahir Aweys uu weli ku sugan yahay xarnuta nabadsugida ee Khadiijo.

Xaalada Caafimaad ee Sh Xassan Daahir ayaa waxaa ka soo baxaya warar is khilaafsan iyadoo la sheegayo in Sheekh Xassan uu xanuunsan yahay oo uu ku kacay Gaas  sonkortiisuna ay kacday loona geeyey Takhaatiir la tacaala caafimaadkiisa ,halka wararka kalena ay sheegayaa in Shiikh Xassan Daahir Aweys ay ka muuqato daal isagoo ah nin da’a ah kana bixi Karin meesha uu ku xiran yahay hadda.

Ilaa hadda ma kala cada  meesha ay ku danbaynayso xaalka Sh Xassan Daahir Aweys  oo u xiran  hadda Dowllada Federaalka soomaaliya balse dad badan waxaa ay ka cabsi qabaan in uu u gacan galo dalal shisheeyey, iyadoo dadka siyaasada Somaaliya Odorasa ay sheegayaan in sababaha loo xiray Sh Xassan Daahir ay tahay in aan wax fursad ah aysan helin qof danbe oo ka soo baxa ururka Al-shabaab.

A/cawaale
Halgan.net