Xildhibaanada DFS oo maanta meel mariyey hindise-sharciyeedka hanta-dhowrka guud ee qaranka

Muqdisho:-Xildhibaannada baarlammaanka federaalka ah ee Soomaaliya ayaa maanta waxay si aqlabiyada ah ku meel mariyay hindise-sharciyeedka hanta-dhowrka guud ee qaranka ka dib markii ay kulan ku yeesheen magaalada Muqdisho.

Kulanka Xildhinaannada DFS ayaa waxaa ayaa waxaa shir gudoominayey guddoomiye ku-xigeenka koowaad ee golaha baarlamaanka DFS , Jaylaani Nuur Iikar waxaana kulanka saaka goobjoog ka ahaa 156 xildhibaan.

Qaar ka mid ah xildhibaanada DFS oo la hadlay warbaahinta ka howlgasha magaalada Muqdisho ayaa soo dhaweeyey meel marinta  hindise-sharciyeedka hanta-dhowrka guud ee qaranka.

Hanti dhowrka Guud ee qaranka Dr. Nuur Faarax ayaa soo dhoweeyay sidoo kale ansixinta hindise sharciyeedkan, wuxuuna ku timaamay guul u soo hoyatay dowlada Soomaaliya.

Gudoomiye kuxigeenka koowaad ee Baarlamaanka Jeylaani Nuur Iikar ayaa intaas ka dib ka dalbaday xildhibaanada DFS in ay cod u qaadaan ansaxinta hindise-sharciyeedka hanta-dhowrka guud ee qaranka waxaana ogalaaday 152 xildhibaan.

A/Cawale
Halgan.net