Ururka Al-shabaab oo laga weerarray dhinaca cirka.[Dhagayso]

January 31, 2015 - Written by Editor

Diinsoor:-Ugu yaraan 45 ka tirsan ururka Al-shabaab ayaa lagu dilay weerar dhinaca cirka oo galabta ka dhacay tuulada Dugule ee gobolka Shabeelada hoose sida uu sheegay guddoomiyaha gobolkaasi, Cabdiqaadir Shiikh Maxamad Nuur (Siidii).

Guddoomiyaha oo wareysi siiyay BBC ayaa sheegay in ay hayaan xog ku saabsan khasaaraha uu geystay weerarka cirka, oo uu ku tilmaamay inay ahaayeen saddex gantaal oo lala beegsaday goobo kala duwan oo uu ku jiray guri ay degenaayeen dagaalyahaniin ajnabi ah.

Waxaa kale oo uu sheegay in mid ka mid ah gantaallada uu ku dhacay kolonyo baabuur ah oo ay wateen al-Shabaab, halkaasi uu yiri waxaa ka soo gaaray khasaaro dhimasho iyo dhaawac u dhaxeysa 45 ilaa 60.

Degaanka uu weerarku ka dhacay ee gobolka Shabeellada Hoose ayaa Shabaabku ay gacanta ku hayeen dhawrkii sano ee ugu dambeeyay.

Hoos ka Dhagayso warbixinta Idacaadda BBC-da laanta Afka Soomaaliga

[audio: http://k003.kiwi6.com/hotlink/tfbj6nfk3h/siidi.mp3]

Source: BBC