Ra’iisulwasaraha DFS Cabdi Faarax Shirdoon iyo wafdi la socda oo gaaray Degmada Marka

January 31, 2013 - Written by

shirdoonMarka:-Wararka naga soo gaaray magaalada Marka ee xarunta gobalka Sh/hoose ayaa sheegaya in uu halkaas soo gaaray Wafdi uu hogaaminayo R/W DFS Cabdi Faarax Shirdoon waxaa wafdi Raisuwlwasaaraha soo dhaweeyey masuuliinta maamulka gobalka iyo kan degmada Marka .

Raisulwasaaraha DFS ayaa waxaa socdaalkiisa ku weheliyey wasiirada kala ah Wasaaradda G/dhiga DFS  C/xakiin Maxamuud Xaaji Fiqi,Wasiirka Arrimaha Gudaha iyo Amniga Qaranka C/kariin Xuseen Guuleed,Wasiirka Warfaafinta,Isgaarsiinta iyo Gaadiidka C/laahi Ciilmooge Xirsi,Wasiirka Maalliyadda iyo Qorsheynta Maxamuud Xasan Suleymaan ,Taliyaha Ciidammada Xoogga DFS Jen C/qaadir Sheekh Cali Diini, Taliyaha Ciidammada Booliska Jen Shariif Sheekh Unaa Maye Agaasimaha Guud ee Hay’adda Nabad Sugidda  Eng Axmed Macalin Fiqi,iyo xildhibaano ka tirsan baarlamaanka DFS.

Raisulwasaaraha DFS Cabdi Faarax Shirdoon ayaa waxaa uu kulamo kala duwan la yeeshay waxgaradka iyo masuuliinta gobalka Sh/hoose waxaana uu khudbad kooban u jeediyey dhamaan dadweynihii ku soo dhaweeyey degmada Marka.

Raisulwasaaraha DFS ayaa saaka diyaarada nooc qumaatiga u kaca ka soo raacay magaalada Muqdisho isaga oo ku degay deegaanka Shalanbood waxaana uu u sii gudbay Degmada Marka.

C/Casiis Maxamed
Halgan.net

Leave a Reply

Your email address will not be published. Required fields are marked *

*

* Copy This Password *

* Type Or Paste Password Here *

230,200 Spam Comments Blocked so far by Spam Free Wordpress

*

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>