.gif)
Madaxweynaha DFKM iyo wafdi la socda oo soo gaaray magaalada Garoowe
February 17, 2012 - Written byGaroowe:-Wararka naga soo gaaraya magaalada Garoowe xarunta Puntland ayaa sheegaya in goor dhoweyd uu halkaasi uu soo gaaray wafdi balaaran oo uu horkacayo Madaxweynaha DFKM Sheekh Shariif Sh.Axmed waxaana garoonka diyaaradaha ee Garoowe ku soo dhaweeeyey madaxda Puntland. Madaxweynaha DFKM Sheekh Shariif ayaa waxaa kale oo soo dhaweyntiisa ka qayb qaatay Ra.iisul wasaaraha DFKM Dr Cabdiweli Maxamed Cali Gaas , Guddoomiyaha Baarlamaanka DFKM Shariif Xassan Sheekh Aadan, Ergeygav gaarka ah ee Qaramada Midoobay u qaabilsan arrimaha dalka Soomaaliya Augstine Mahiga.
Dhinac kale wafdi ka socda Midowga Afrika ayaa saaka ku soo biiray shirka wadatashiga wajigiisii 2aad ee ka socda magaalada Garoowe waxaan wafdiga maanta soo gaaray Garoowe hogaaminaya Ambassador Abuoubakar Dyara oo ah ergeyga Midowga Afrika ee Soomaaliya. kana soo kicitimay magaalada Nairobi ee caasimada dalka Kenya. Wafdiga uu hogaaminayo Ambassador Abuoubakar Dyara oo ah ergeyga Midowga Afrika ee Soomaaliya ayaa si heer sare ah loogu soo dhaweeyey magaalada Garoowe iyadoo wafdiga loo galbiyey Xarunta jaamacada PSU oo uu ka socdo shirka , ilaa hadda lama yaqaan wax ay isla meel dhigeen ama isla afgarteen wufuud ka qayb galaysa shirka Garoowe .
M_M_Deeq
Halgan.net
