Qarax xooggan oo ka dhacay Xarunta CID ee magaalada Muqdisho

Muqdisho:-Wararka naga soo gaaraya magaalada Muqdisho ayaa sheegaya in gaari laga soo buuxiyay walxaha qarxa uu ku qarxay gudaha  Xarunta Hay’adda Dambi Baarista ee CID waxaana ku dhintay sida warar hordhac ah ay sheegayaan laba qof halka laba kale ay ku dhaawacmeen . Gaariga qarxay ayaa waxaa ka soo baxaya warar kala duwan waxaana wararka qaar ay sheegayaan in gaari walxaha qarxa ah lagu weeraray Xaruunta  CID halka war kale uu sheegayo in gaariga qarxay ay ka soo qabteen ciidanka DFKM Isgoyska KM4 ee Magaaladda Muqdisho.

Afhayeenka ciidamada Milatariga DFKM Aadan Kaalmooy oo la hadlay warbaahinta isaga oo ku sugan xarunta CID ayaa waxaa uu sheegay in ciidanka DFKM ay saaka soo qabteen gaariga iyo 4 dhalinyaro ah oo wadatay ka dibna gaari ay geeyeen xarunta  CIDa ka dibna ay ka warheleen ayuu yiri Al-Shabaab oo ay tel ku qarxiyeen .

Ururka Al-Shabaab ee dhawaan  ku biiray Al-Qacida ayaan wili wax war ah ka soo saarin qarax ka dhacay xarunta CID ee magaalada Muqdisho waxaana la filayaa in dhawaan uu ka hadlo afhayeenka howlgalada Ururka Al-Shabaab Sheekh C/casiis Abu Muscab.

A/Cawale
Halgan.net