.gif)
Ciidamo iyo saraakiil wata Astaanta dalka Sierra Leone lagu arkay degmada Ceelwaaq
April 12, 2012 - Written by
Gedo:-Wararka naga soo gaaray degmada Ceelwaaq ee gobalka Gedo ayaa sheegaya in ay soo gaareen gudaha Degmada ciidamo iyo saraakiil wata astaanta dalka Sierra Leone kuwaas oo aan la aqoon tiradooda waxaana horkacaya saraakiil ka tirsan ciidanka dalka Sierra Leone .
Midowga Africa ayaa horey u sheegay in ciidamo ka tirsan dalka Sierra Leone ay soo gaari doonaan dalka Soomaaliya balse waxaa isbuucaan lagu arkay Degmada Ceelwaaq ciidamo wata astaan ka duwan kuwa dalka Kenya .
Ilaa haatan si rasmi ah uma aysan shaacin dowlada Sierra Leone balse waxay qirtay in saraakiil ka tirsan ciidankooda uu sahan u joogo dalka Soomaaliya .
Magaalada Mombaza ee dalka Kenya ayaa waxaa lagu tababaraa ciidamo ka tirsan wadamada Midowga Afrika kuwaas oo balan qaaday in ay ciidamo u soo diraan dalka Soomaaliya si ay uga qeyb qaataan howlgalada ay ciidamada AMISOM ka wadaa gudaha Soomaaliya.
A/Cawale
Halgan.net
