Dagaal Culus oo ka qaraxay goordhow inta u dhaxeysa Biibi iyo Harmoole ee gobalka J/hoose

Afmadow:-War goor-dhow naga soo gaaray gobalka J/hoose ayaa sheegaya in goordhow uu dagaal culus uu ka qaraxay inta u dhaxeysa Biibi iyo Harmoole Waxaana uu dagaalka u dhexeeyaa ciidanka huwanta iyo Ururka Al-Shabaab.

Dagaalka ayaa haatan xoogiisa waxaa uu ka socdaa inta u dhaxeysa Biibi iyo Harmoole waxaana la isku adeegsanayaa hubka noocyadiisa kala duwan .Dagaalka ayaa qarxay ka dib markii ay ciidamada huwanta dagaal ku qaadeen ciidamada Al-Shabaab oo difaac uga jira deegaanka Biibi.

Waxaa aad u adag in xog rasmi ah laga ogaado guulaha ay sheeganayaa ciidamada huwan iyo kuwa Al-Shabaab waxaana aad u liita isgaarsiinta deegaanada lagu dagaalamayo.

Halgan.net ayaa xiriir kala duwan la sameysay dadweynaha ku dhaqan Degmada Afmadow ayaa waxay xaqiijiyeen in dagaal uu socdo ayna hawada Degmada Afmadow ku arkayaan diyaarado dagaal oo ay leedahay dowlada Kenya.

Wixii warar ah ee soo kordha inshalaah kala socda Halgan.net dhawaaan.

Cabdi Yare
Kismaayo
Halgan.net