Dagaal ka socda deegaano u dhexeeya Sooya iyo Birta dheer ee gobalka J/hoose

Muqdisho:-Wararka naga soo gaaraya magaalada Kismaayo ayaa sheegaya in dagaal culus uu ka qaraxay galabta deegaanada u dhaxeeya Sooya iyo Birta dheer waxaana dagaalka uu u dhexeeyaa ciidamada huwanta iyo kuwa Al-Shabaab .

Dagaalka ayaa waxaa uu xoogiisa ka socdaa deegaanada u dhexeeya Sooya iyo Birta dheer waxaana ka qeybqaadanaya dagaalada diyaarado kuwa dagaalka ah oo ay leedahay dowlada Kenya . Ilaa haatan lama oga khasaaraha kala gaaray labada garab ee ku dagaalamaya deegaano ka tirsan gobalka J/hoose mana jiraan ilaa haatan saraakiil ka tirsan Ururka Al-shabaab iyo ciidamada huwanta oo ka hadlay dagaalka ka socda deegaanada u dhaxeeya Sooya iyo Birta dheer .

Halgan.net ayaa xiriiro kala duwan la sameysay gobalka J/hoose si ay faahfaahin aan uga helno dagaalka socda balse nooma suurto galin is gaar siinta oo aad u xun awgeed.

Cabdi yare
Kismaayo