Madaxweynaha Dowllada Puntland Dr.C/raxman Faroole oo u dhoofey Dalka Jabouti

Boosaaso:-Madaxweynaha Dowllada Puntland Dr.C/raxman Maxamed Maxamuud Faroole ayaa saaka safar aan horay loo shaacin waxaa uu ugu dhoofay dalka Jabuuti. Socdaalka uu saaka ku gaaray Madaxweynuhu dalka Jabuuti ayaa waxaa ku weheliya wasiiro ka tirsan dowlladiisa waxaan ka mid ah Wasiirka Amniga Col.Khaliif Ciise Mudan, ,wasiir ku xigeenka Arrimaha gudaha Cali Yuusuf Cali Xoosh, ,wasiirka Dekeddaha Eng.Siciid Maxamed Raage iyo siyaasi Cali Cabdi Awaare.

Ilaa hadda si rasmi ah looma shaacin u jeedada safarka Madax weynaha Puntlland iyo wafdigiisa uu ugu socdaalay dalka Jabuuti iyo inta casho oo uu joogi doono iyo haddii ay jirto dalal kale oo uu uga sii gudbi doono.  Madaxweynaha Puntlland Dr C/raxmaan Faroole ayaa  maalmihii u danbeeyey waxaa uu ku suganaa magaalada Boosaaso ee xarunta Gobolka Bari waxaan uu kulamo gaar gaar ah la yeeshay waxgaradka iyo dhalinyarada Gobolka bari.

Wixii soo kordha kala soco Halgan.net 

M_M_Deeq
Halgan.net