Qarax xalay ka dhacay magaalada Garissa ee gobalka Waqooyi Bari ee Kenya

Garissa:-Wararka naga soo gaaraya magaalada Garissa ee xarunta gobalka Waqooyi Bari ee Kenya ayaa sheegaya in xalay Bam lagu weeraray gaari ay saarnaayeen ciidamo ka tirsan Booliska Kenya waxaana ku dhaawacmay ilaa 4askari iyo laba qof oo Rayid ah.

Taliyaha Booliska degmada Garissa Col.Jorge Losku ayaa saxaafada u xaqiijiyey in xalay Bam Gacmeed lagu weeraray askar ka tirsan ciidanka Booliska Kenya waxaana uu ku tilmaamay kuwa bamka ku tuuray ciidanka amaanka magaalada Garissa kuwa Burcad ah.

Magaalada Garissa ee xarunta gobalka Waqooyi Bari Kenya ayaa waxay marti u noqotay dilal iyo qaraxyo kuwaas oo lala beegsado ciidamada amaanka ee magaalada Garissa ilaa iyo intii ay ciidamada Kenya gudaha u galeen gobalada J/hoose iyo Gedo .

Cabdi Yare
Halgan.net