Ganacsato ka socda gobolada Gedo iyo Jubbooyinka oo soo gaaray Gaalkacyo

Gaalkacyo:-Waxaa maanta soo gaaray  magaalada Gaalkacyo ee xarunta gobalka Mudug wafdi ganacsato ah  oo ka socda gobolada Gedo iyo Jubbooyinka kuwaas oo ka  yimid  magaalada Nairobi ee xarunta dalka Kenya.

Garoonka  Diyaaradaha ee C/laahi Yuusuf Ahmed ayaa waxaa si diiran ugu soo dhaweeyey wafdi   ka socday  gobolada Gedo iyo Jubbooyinka maamulka Degmada, Ganacsato iyo dadweyne kale .

Duqa magaalada Gaalkacyo ee xarunta gobalka Mudug Col. Axmed Cali Salaad ayaa soo dhaweeyey ganacsatada ka socota gobolada Gedo iyo Jubbooyinka wuxuuna ku baaqay in la soo dhaweeyo isaga oo shaaca ka qaaday in wafdiga ay u gudbi doonaan magaalada Garoowe.

Dhanka kale waxaa saxaafada la hadlay Yuusuf Xuseen Maxamed (Yuusuf Cadde) oo ka mid ahaa wafiga  ka socda gobolada Gedo iyo Jubbooyinka wuxuuna u mahad celiyey dhamaan dadlkii sida diiran u soo dhaweeyey wuxuuna sheegay in ay qeyb ka yihiin ganacsato wax ka dhisaya Maamulka Jubba-Land State.

Yuusuf Xuseen Maxamed (Yuusuf Cadde) ayaa sidoo kale sheegay in wafdiga ay u gudbi doonaan magaalada Garoowe ee xarunta Puntland si ay ula kulmaan Madaxada dowlada Puntland.

M_M Deeq
Halgan.net