Madaxawaynaha DFS Xasan Sheekh Maxamuud oo Muqdisho ku soo laabtay

Muqdisho:-Madaxawaynaha DFS Xasan Sheekh Maxamuud iyo wafdi uu hogaaminayo ayaa maanta dib ugu soo laabatay magaalada Muqdisho ka dib markii uu socdaal shaqo ku soo maray wadamada dhowr ah.

Madaxweynaha DFS ayaa waxaa Garoonka Diyaaradaha ee magaalada Muqdisho ku soo dhaweeyey  madaxda ugu sareysa DFS waxaana ka mid ahaa Raisulwasaaraha DFS Cabdi Faarax Shirdoon iyo gudoomiyaha baarlamaanka soomaaliya Pro.Maxamed Sheekh Cismaan Jawaari .

Madaxweynaha DFS ayaa saxaafada la hadlay markii uu ka soo degay Garoonka Diyaaradaha ee Aden Cadde waxaana uu guul ku tilmaamay socdaalkii uu ku soo maray wadamada Ethiopia, Belgium,Britain iyo Masar.

Madaxweyne Xasan Sheekh Maxamuud ayaa intii uu ku sugnaa magaalada Qaahira ee xaruunta dalka Masar waxaa uu ka qeyb galay shir ay isigu yimaadeen wadamada Islaamka kaas oo looga hadlayey arimo khuseeya Soomaaliya.

A/Cawale
Halgan.net