Eng Cumar Maxamed Cabdille (Cumar Dheere) oo caawa lagu dilay Gaalkacyo

Gaalkacyo:-Waxaa Caawa Maqrib-kii lagu dilay alaha u naxariisteenmagaalada Gaalkacyo ee xarunta gobalka Mudug  Eng Cumar Maxamed Cabdille (Cumar Dheere) xili uu ka soo baxay salaadii Maqrib Masaajidka Salaama ee Xaafada Wadajir ee magaalada Gaalkacyo.

Eng Cumar Maxamed Cabdille (Cumar Dheere) ayaa waxaa uu ka mid ahaa Waxgaradka iyo Ganacsatada ugu waaweyn ee gobalka Mudug, waxaana dilay koox ku hubeysan bistoolado kuwaas oo goobta ka baxsaday dilka ka dib.

Ciidamada amaanka ee gobalka Mudug ayaa soo gaaray goobta wax yar ka dib markii la dilay alaha u naxariisteen Eng Cumar Maxamed Cabdille (Cumar Dheere). Eng Cumar Maxamed Cabdille ( Cumar Dheere) Allaha u naxariistee wuxuu ka mid ahaa ragga sida weyn looga qadariyo arrimaha gobalka Mudug, iyo Puntland wuxuuna ahaa Gudoomiyihii Ganacsatada, Kuxigeenkii Sanduuqa Horumarinta ee gobalka Mudug, Gudoomiyaha dhismaha Wadada Wadaagsin ee isku xiraysa Goldogob & Garacad.

Ilaa haatan ma jirto cid sheegatay dilkiisa balse waxaa loo tuhunsan yahay kooxda Al-Shabaab oo dhaqanka ka dhigtay leynta Haldoorka umada Soomaaliyeed .

M_M Deeq
Halgan.net