Taliyaha qeybta booliiska gobolka Banaadir Gen Cali Xersi Carre (Cali Gaab) oo is casilay

Muqdisho:-Wararka naga soo gaaraya magaalada Muqdisho ayaa sheegaya in Taliyaha qeybta guud ee Booliska gobolka Banaadir Jeneraal Cali Xersi Carre (Cali Gaab) uu maanta magaalada Muqdisho uga dhawaaqay inuu iska casilay xilkii taliyaha ee boliiska ee gobolka Banaadir.

Taliyaha qeybta guud ee Booliska gobolka Banaadir Jen Cali Gaab ayaa saxaafada kula hadlay magaalada Muqdisho waxaana uu sheegay in uu xilka ka tagay iyadoo aysan jirin cid ku qasabtay uuna doorbiday in uu xilka baneeyo.

Taliyaha qeybta guud ee Booliska gobolka Banaadir Jen Cali Gaab ayaa sheegay in la shaqeyn doono cid walba oo xilka loo dhiibo kuna gacan siin doono sugida amaanka magaalada Muqdisho.

Jeneraal Cali Xersi Barre ayaa hore u soo noqday taliyaha ciidanka Taraafikida wadooyinka waxaana sanadkii hore loo magacaabay Taliyaha qeybta guud ee Booliska gobolka Banaadir .

A/Cawale
Halgan.net