In ka badan 70 Ruux oo ku Dhimatay magaalada Nice ee dalka Faransiiska

Qof waday gaari nooca xamuulka qaada, ayaa dar darsiiyay dad isugu soo baxay meel munaasabad ka socotey magaalada Nice ee dalka Faransiiska gelinkii dambe eee Khamiista, waxana la sheegay inay halkaa ku dhinteen in ka badan 70 ruux ayna ku dhaawacmeen tiro ka badan 100 kale.Dadka ayaa u dabaal degayay maalinta Bastille Day, oo ah feesto guud oo dalka Faransiiska laga sameeyo July 14-keeda.Wasaaradda arrimaha gudaha ee Faransiiska, ayaa sheegtay in wadihii gaariga ay booliisku toogteen oo ay dileen.

Wariyaha VOA-da Linda Ringe, oo goobta ku sugneyd, ayaa sheegtay inay aragtay meydadka dad fara badan oo waddooyinka daadsan. Mas’uuliyiinta, ayaanan ku deg degin in ay tallaabadaasi ku tilmaamaan fal argagixisnimo, balse dad goob joogayaal ah ayaa sheegay in daraawalku uu si ula kac ah dadka u jiirsiinayay gaariga.

VOA Somalia
Halgan.net