Al-shabaab oo caawa weeraray Makhaayada Banaadir Beach ee magaalada Muqdisho

Muqdisho:-Waxaa caawa kooxda ka tirsan ururka Al-shabaab ay weerar ku qaadeen Baar ku yaal xeebta Liido ee Magaalada Muqdisho oo dad shacab ah ay ku caweynayeen iyagoo marka hore  qarax ku weeraray ka dibna gudaha u galay baarka Liido Beach.

Makhaayada la weeraray ayaa waxaa lagu magacaabaa Banaadir Beach, waxaan waqtiga weerarka dhacay ku sugnaa dad weyne fara badan waxaan weli laga maqlayaa daryanka rasaasta oo la filayo in kooxda weerarka geystay ay ridayaan.

Makhaayada la weeraray ee Banaadir Beach ayaa xiliga la weeraray waxaa ay dadweynu ay fiirsanayeen ciyaaraha kubada cagta ah oo markii qaraxu uu dhacay ay dadku kala carareen ka dibna ilaaladii ka dhawaa Banaadir Beach ayaa bilaabay rasaas xooggan.

Warar hordhac ah oo soo baxay ayaa sheegaya in uu jiro khasaaro iskugu jira dhimasho iyo dhaawac oo soo gaaray dad weynihii ku sugnaa Makhaayada Banaadir Beach, ma jiro ilaa hadda wax war ah oo ka soo baxay Saraakiisha Hay’addaha amniga ee Dowladda Federaalka Soomaaliya.

Weerarka caawa Al-shabaab ay ku qaadeen Banaadir Beach ayaa ku soo beegmay xili maalmo ka hor ay Al-shabaab ay labo qarax oo weerar ah oo dad shacab ah ay ku dhinteen ay la beegsadeen Suuqa Xero Dayax iyo weliba xarunta Dowladda Hoose ee magaalada Gaaalkacyo ee xarunta Gobolka Mudug.

Wixii soo kordha kala soco Halgan.net

A/cawaale
Halgan.net