Musharax Dr.Siciid Cabdullaahi Deni oo dhagax dhigay Wadada Laamiga ah ee dhexmarta Magaalada Qardho.[Masawiro]

Qardho:-Musharaxa Dr.Siciid Cabdullaahi Deni ayaa dhagax dhigay isla markaana dayactir lagu sameenayo Wadada laamiga ah ee dhexmarta Magaalada Qardho oo ka bur-burtay dhinacyada iyo bartamaha laamiga waxaana ka qodmay godod ay dhib ku qabaan Gaadiidka isticmaalo laamiga oo Muhiim u ah isku xirka Gobollada Puntland.

Dr.Siciid Cabdullaahi Deni ayaa sheegay in wadadan ay tahay Halbowlaha Dhaqaalaha Puntland hadii aan laga taxadirin oo aan la dayactirina ay keeni karto in Ganacsiga uu hakad galyo.

”Wadadan waa Howlbowlha Ganacsiga Puntland waa Muhiim in dib loo dayactiro meelaha ay ka burburtay,haddii la fiirsado waxa ay keeneysaa in Laamiga jarmo taasna Gaadiidka iyo isku socodka dhib ayee ku tahay,Aniga waan ku dadaalayaa sidii loo dhisilahaa Wadooyinka Dalka,
Haddii wadooyinka la hagaajiyo waxbadan ayaa fududaanayaa,waxaana Maamulka Degmada kaga Mahadcelinayaa dadaalada ay wadaan ee ku aadan Dhismaha Wadooyinka Qardho”ayuu yiri Musharax Deni.

Gudoomiyaha Degmada Qardho Cabdi Siciid Dheere oo ka hadlay Dhagax dhigga Dib u dayactirka Wadda laamiga ee ka soo bilaabaneyso Garoonka Diyaaradda Qardho illaa  koontaroolka koonfureed ee Magaalada ayaa sheegay in Qorshahaan ay wado Dowladda Hoose Qardho,waxa uuna qeyb ka yahay Hormarinta Wadooyinka Degmada”Maanta aad ayaa ugu faraxsanahay in Musharax Deni uu noo dhagax dhigo waddadaan muhiimka ah ee dhexmarta Degmada,Waddadaan waxa ay qeyb ka tahay Wadooyinka loo dhisayo Qardho, Musharaxa Degmada waxbadan ayuu wax u qabtay hadana waxaa ka rajeeneynaa in waxbadan uu u sii qaban doono”ayuu yiri Gudoomiyaha Degmada.

no images were found

Musharax Dr.Siciid Cabdullaahi Deni ayaa wax badan ka qabtay Arimaha Waxbarashada, Caafimaadka,waxaana si weyn looga taageeray Puntladn,waxa uuna safar ku maray Magaalooyinka Bosaso,Carmo,Waaciye,Qardho,Dangoronyo iyo Garoowe.

Wariye Cabdiraxmaan Black