Madaxweynayaasha Maamul gobaleedyada oo soo gaaray magaalada Garoowe

Garoowe:-Madaxweynaha Dowlad Gobaleedka Galmudug Axmed Ducaale Geelle Xaaf ayaa goordhow soo gaaray magaalada Garoowe ka dib markii uu safar dhulka uga soo amba baxay Magaalada Gaalkacyo ee Xarunta Gobalka Mudug,

Madaxweynaha Galmudug ayaa waxaa ku soo dhaweeyey magaalada Garoowe ee xarunta Puntland Madaxweynayaasha Puntland ,Jubaland,iyo Madaxweynaha K/galbeed kuwaas oo si wada jir uga qeyb gali doona shirka Golaha Iskaashiga Maamulgobaleedyada oo ka furmaya magaalada Garoowe.

Madaxweynaha Dowlad Gobaleedka Galmudug Axmed Ducaale Geelle Xaaf oo la hadlay saxaafada ayaa sheegay in uu intii uu safarka ku jiray inta u dhexeysa Gaalkacyo iyo Garoowe uu arkay dhul nabad ah uuna ku hakaday deegaanada qaar isaga ooo aan wadan ciidan badan.

Shirka Golaha Iskaashiga Dowlad Gobaleedyada ayaa Berri ka Furmaya Caasimadda Puntland ee Garoowe waana Shirkii 4-aad oo Golaha Iskaashiga Maamulgobaleedyada.

M_M Deeq
Halgan.net