Madaxweyne ku xigeenka Jubaland oo gaaray Degmada Luuq ee gobolka Gedo

Luuq:-Madaxweyne ku xigeenka koobaad ee Dowlada Jubaland Mudane Maxamuud Sayid Aadan iyo wafdi uu hogaaminayo ayaa maanta gaaray Degmada Luuq ee gobolka Gedo.

Madaxweyne ku xigeenka oo ay wafdigiisa kamid yihiin xubno katirsan labada gole ee Dowlada, siyaasiyiin, Odayaal dhaqan iyo qeybaha kala duwan ee bulshada ayaa garoonka diyaaradaha ee Degmada Luuq Waxaa kusoo dhaweeyay maamulka heer gobol iyo heer Degmo iyo boqolaal dadweyne ah.

Madaxweyne ku xigeenka ayaa inta uu ku sugan yahay gobolka kulamo la qaadan doona qeybaha kala duwan ee bulshada deegaanka isagoo dhagax dhigi doona mashaariic hormarineed oo gobolka laga fulinayo.

——–Dhamaad——