Weerar lagu dhaawacay 9 qof oo ka dhacay Suuqa weyn ee degmada Wadajir.

Muqdisho:-Wararka ka imanaya magaalada Muqdisho ayaa sheegaya in sideed qof oo shacab ah ay ku dhaawacmeen weerar loo adeegsaday bam gacmeed oo ka dhacay Suuqa weyn ee degmada Wadajir. Bam Gacmeedkan ayaa loola dam lahaa gaari marayay suuqa dhexdiisa xilli suuqa uu ahaa mid aad u mashquul badan oo dadka ay wax ka iibsanaya si ay ugu diyaar garoobaan ciidul fitriga ay buux dhaafiyeen.

Kooxdii bambka tuurtay ayaa durbadiiba ka carartay goobta ay weerarka ka gaysteen. Maamulka degmada Wadajir ayaa sheegay inay ku raad joogaan. Wariyeheenna Cabdulqaadir Maxamed Cabdulle ayaa warbixintan kasoo diray magaalada Muqdisho.

Source:VOA