Ciidanka Amaanka Hargeysa oo joojiyey Bandhig Faneed lagu qaban lahaa Hotel Grown ee magaalada Hargeysa

Hargeysa:-Wararka caawa naga soo gaaray magaalada Hargeysa ee xarunta Maamulka S/land ayaa sheegaya in ciidamada amaanka ay joojiyeen Bandhig Faneed ay dhigi lahaayeen koox fanaaniin ah oo qurbaha ka yimid kuwaas oo ku soo hungoobay in ay bandhig faneed balaaran ka dhigaan magaalada Garoowe.

Culumada iyo Ismimada Puntland ayaa si isku mid ah uga dhigay Bandhig Faneedyo la rabay in lagu dhigo magaalooyinka waaweyn ee Puntland gaar ahaan magaalada Garoowe waxaana arinkaas si adag uga hadlay culumada Puntland iyo waxgarad kale oo badan.

Koox Fanaaniin ah oo ka yimid Qurbaha oo ay horboodayaan NASTEEXO INDHO & DJ SUBEER ayaa gaaray magaalada Hargeysa say u dhigaan Bandhig Faneed ayaa waxaa caawa kala diray ciidanka Amaanka ee magaalada Hargeysa .

Bandhig Faneedka ayaa waxaa la rabay in lagu dhigo Hotel Grown ee magaalada Hargeysa waxaana halkaas gaaray ciidamada amaanka oo amray dadka in ay kala tagaan bandhigna faneedkiina la joojiyey .

Halgan.net
Hargeysa