Bam Gacmeed lagu weeraray ciidamo ka tirsan DFS oo marayey Isgoyska KM-4

Muqdisho:-Wararka naga soo gaaraya magaalada Muqdisho ayaa sheegaya in Bam gacmeed lagu weeraray ciidamo ka tirsan DFS oo marayey Isgoyska KM-4 weerarka ayaa sababay khasaaro kala duwan .Bamka lagu weeraray maanta ciidamada DFS ayaa waxaa  ku dhaawacmay  afar qof oo ay ku jirto haweeney ka ganacsata caanaha waxaana dhaawacooda la geeyey Isbitaalka Madiina.

Ciidamada DFS ayaa weerarka ka dib waxay qabteen ilaa 5 qof oo ay uga shakiyeen in ay ka danbeeyeen Bamka lagu weeraray ciidamo ka tirsan DFS. Ciidamada nabad-sugidda ee DFS ayaa sheegay in ay ku guuleysteen in ay gacanta ku dhigaan qofkii bambada tuuray sida uu saxaafada u sheegay Taliyaha nabad-sugidda gobolka Banaadir, Khaliif Axmed Ereg .

A/Cawale
Halgan.net