Wariye Cabdi Xareed Cismaan oo lagu dilay magaalada Muqdisho

Muqdisho:-Waxaa saaka lagu dilay magaalada Muqdisho wariye Cabdi Xareed Cismaan oo ka tirsanaa wariyeyaasha idaacadda Shabeelle ee magaalada Muqdisho xili uu ku sugnaa meel aan ka fogayn gurigiisa oo ku yaalla degmada Wadajir ee gobolka Banaadir.

Koox bastoolado ku hubaysan ayaa la sheegay in ay toogteen wariye Cabdi Xareed Cismaan oo markii hore noqday dhaawac culus waloow uu markii danbe u geeriyooday dhaawacii kuna dhintay isbitaalka Madiina ee magaalada Muqdisho..

Dilka wariyasha ayaa noqday tusbax go,ay waxaana lagu dilay Soomaaliya sanadkii la soo dhaafay ku dhowaad 20 wariye kuwaas oo ka howlgali jiray warbaahinta kala duwan ee ka jirta dalka.

A/Cawale
Halgan.net