Dagaal ka dhacay Beled-xaawo oo sababay Khaaso leh dhimasho iyo dhaawac

Gedo:-Ciidamo iska soo horjeeda ayaa maanta ku dagaalamay gudaha magaalada Beled-xaawo waxaana dagaalka uu sababay khasaaro leh dhimasho iyo dhaawac. Dagaalada maanta ka dhacay magaalada  Beled-xaawo ee ku taala xadka Soomaaliya iyo Kenya ayaa waxay u dhaxeeyaan Guddoomiyaha gobolka Gedo Maxamed Cabdi Kaliil iyo maleeshiyo taabacsan guddoomiyihii hore ee degmada Doolow C/rashiid Janan waxaana ilaa haatan ku dhintay 5 qof halka qaar kale ay ku dhaawacmeen.

Taliyaha amniga Degmada Beled Xaawo Maxamed Wali ayaa ku eedeeyey dagaalka ka dhacay gudaha magaalada Beled xaawo ciidamo ka yimid Degmada Doolow kuwaas oo u horkacayey guddoomiyihii hore ee degmada Doolow C/rashiid Janan. Khilaafka isku badalay gacan hadalka ayaa waxaa uu salka ku hayaa in ciidamo ka soo jeeda gobalka Gedo gaar ahaan beledxaawo ay ku kala qeybsameeen in ay ka mid noqdaan Maamulka KMG ee Juba uu Madaxweynaha u yahay Axmed Maxamed Islaan Axmed Madoobe.

Cabdi Yare
Halgan.net