Qarax goor dhaweyd ka dhacay magaalada Gaarisa

Gaarisa:-Wararka naga soo gaaraya magaalada Garissa ee xarunta gobolka Waqooyi-bari Kenya, ayaa sheegaya in qarax uu ka dhacay mid ka mid ah wadooyinka Gaarisa ka dib markii lagu aasay miino waxaana qaraxa ku dhaawacmay sidda ay sheegayaan warbaahinta dalka Kenya hal qof oo rayid ah .

Rashid Khator oo ah Guddoomiyaha degmada Garissa, ayaa u sheegay Wargeyska caanka ah ee ka soo baxa dalka Kenya Daily Nation in miino ka qaraxday mid ka mid ah wadooyinka Gaarisa mid kalana la soo saaray waddada Uchumi iyada oo aan qarxin welina ay wadaan howlgalo lagu sugayo amaanka..

Ilaa haatan faahfaahin rasmi ah kama aysan bixin Saraakiisha ciidanka Booliska ee magaalada Gaarisa waxaana wadooyinka la soo dhoobay ciidamo badan oo ka tirsan dowladda Kenya.

A/Cawale
Halgan.net