Madaxweynaha DFKM Shariif Sheekh Axmed oo ku soo laabtay Muqdisho

Muqdisho:-Madaxweynaha DFKM Sheekh Shariif Sheekh Axmed iyo wafdi uu hoggaaminayo ayaa maanta dib ugu soo laabtay magaalada Muqdisho ka dib markii ay ka soo qeyb galeen shirka madaxda wadamada urur goboleedka IGAD oo ka dhacay magaalada Adis Ababa.

Wafdiga madaxweyaha DFKM ayaa waxaa socdaalkiisa ku weheliya wasiirka gaashaandhigga ee DFKM Xusen Carab Ciise xildhibaano iyo xubno ka tirsan madaxtooyada DFKM waxaana garoonka ku soo dhaweeyey Raisulwasaaraha DFKM Cabdiweli Maxamed Gaas.

Kulankii madaxda urur goboleedka IGAD ay ku yeesheen Addis Ababa ayaa waxaa laga soo saaray warmurtiyeed kaas oo lagu codsaday in dowlada Itoobiya ay ciidamo u soo dirto Soomaaliya .

Afhayeenka wasaarada arimaha dibada ee dalka Itoobiya Dina Mufti ayaa u sheegay warbaahinta in ay si deg-deg ah uga jawaabi doonaan codsiga kaga imid dowladaha ku midoobay IGAD  maalmaha soo socda si loo taageero howlgalada ay ciidamada AMISOM iyo Kenya ka wadaan Soomaaliya.

A/Cawale
Halgan.net