Meydadka laba wiil oo dhalinyaro ah oo saaka laga helay degmada Wardhiigley

Muqdisho:-Meydadka laba wiil oo dhalinyaro ah ayaa saaka laga helay  degmada Wardhigley ee magaalada Muqdisho kuwaasoo xalay la dilay.Dadka deegaanka  ayaa sheegay in dhalinyarada la dilay ay jirkooda ka muuqdeen rasaas farabadan, iyagoo sheegay in ay ka xirnaayeen addimada, isla markaasna la toogtay iyagoo xiran.

Dadweynaha ku nool xaafadaas  ayaa saaka isugu soo baxay halkii laga helay meydadka wiilasha dhalinyarada ah, waxaana jirtay in dadkaasi ay ka muuqatay caro xoog leh, balse majirin waxa ay u qaban kareen dadka la dilay.

Ilaa iyo haatan majirto cid sheegatay dilka wiilashan dhalinyarada ah, sidoo kale waxaa aan la garaneyn sababta loo dilay, iyadoo horey sidaan oo kale dad badan loo dilay, cid iska wareysatayna ayan jirin.

Ma’ahan markii ugu horeysay ee sidan oo kale dad Meyd ah la soo dhigo xaafadaha magaalada Muqdisho, iyadoo dadka dilka geysta aan la ogaanin, waxaana sidoo kale jirta in halkaas lagu iloobo dhacdooyinka xanuunka badan ee lagu dilo shacabka Soomaaliyeed.

Halgan.net
Muqdisho