Wararkii ugu danbeeyey ee naga soo gaaray Markazkii Daarul Xadiis ee Damaaj (Dhageyso)

Yemen:-Wararka ugu danbeeyey ee caawa naga soo gaaraya magaalada Sacda gaar ahaan Markaskii ugu weynaa Salafiyiinta ee Daarul xadiis  ee Damaaj ayaa sheegaya in ay fashilmeen waanwaantii ay wadeen waxgarad iyo cuqaal ka soo jeeda qabaa,ilka خولان بن عامر وهمدان بن زيد waxaaan socdaalkooda ku weheliyey gudoomiyaha magaalada Sacda فارس مناع .

Kooxda xuutiyiinta ee Raafidada ayaa dalbaday in lagu soo wareejiyo goobaha buuraha ay difaaca kaga jiraan ardayda Markazka ee Daaru Xadiis gaar ahaan جبل البرَّاقة waxaana gaashaanka ku dhuftay Qabiilka Waadica iyo Sheekh Yaxya Xajuuri Xafidahulaah.

Halgan.net oo caawa xiriir la sameysay arday ku sugan Markazka ayaa sheegaya in xaalada ay ka sii dareyso kooxda xuutiyiinta ay qorsheynayaan in ay duulaan dhiigbadan uu ku daato ay ku soo qaadaan Markazka Daarul Xadiis ee Damaaj waxaa sidoo kale Markazka ku sugan Caruur iyo waayeel qaarkood ay qabaan cudurka Sokorta.

Hoos ka Dhagayso Shiikh Yaxye Xaajuuri oo ka Hadlaya Xaaladii ugu danbaysay ee Markazka Daarul Xadiis

[Audio:http://www.halgan.net/Mp3/3-bian_baghi_hothiin.mp3]

Sheekh Yaxya Xajuuri ayaa caawa si qoto dheer uga hadlay makriga iyo xaalka ugu danbeeyey ee Markazka Daarul Xadiis wuxuuna sheegay in aysan marna aysan wareejin doonin goobaha ay ku sugan yihiin.

C/Casiis Maxamed
Halgan.net